Tura, July 9: Meghalaya a·doko bija jilaniko tang·doatna re·mikkange kamko ka·enganio, skanggipa instalment-ni bak gita kg 1000 (ton 1) mang ong·gipa a·palchini maming brina donggijagipa bija bitchirangko NEHU, Tura Campus-ni Incubation Centre-ona ra·bae donaha aro ua bija bitchirangko, Mawkyrwat-ni DCIC-ni a·bachengatgipa dolgni cluster group-rangoniko NEHU Tura Campus-oni Incubation Centre-ni Nodal Officer, Dr. R. Sasikumar, mija Sukrobar salo ra·baaha.
Samtangtango gnanggipa biaprang namani gimin aro bibal balgipa sam-bolrang tanganio dingtangtegipa biap ong·e, Meghalaya-ni South West Khasi Hills a·jako, a·dok gimiko nambatgipa bija bitchirangko ong·katatna man·ani gimin namen mingsinga.
Meghalaya-oni bija jilgipa dingtang dingtang biaprangoniko bija bitchirangko ra·bana skangba, NEHU Tura Campus-ni Incubation Centre-o bija bitchirangni gun donganikoba NMR aro pollen test-rangko dakanichi porikka ka·e nianiko dakchengronga.
Dr. R. Sasikumar, South West Khasi Hills a·jaoniko bija jile cha·enggiparangna sorkarini dam tik ka·giminni minimum support price (MSP)-rangko on·e dakchakenba, bilsiprakon kg 20,000 oni 25,000 mang bija bitchirangko Incubation Centre-ona ra·bae donna gita miksongenganikoba parakataha.
Unbaksana, bija jile cha·enggipa a·jaoni cluster group-rangna bija bitchiko mikkangchi bang·bate ong·katatna didianirangko on·na gita nanggipa bosturang jekai bija jilani bakosrangko, chekrangko aro minggipinrangko on·e Incubation Centre-ni gita dakchakaniko on·naba mikgsongani gnang.
A·songtango bija bitchiko nangnikanirang batrikrikenganichi, batanggimin 2016 oni 2017 bilsi jolo India a·songo bija bichiko ong·katatani 94,500 MT-mang ong·aoni re·anggipa 2020 aro 2021 bilsio 1,25,000 MT-ona baridapahanikoba nikna gita man·enga. 2020-21 bilsion, India a·songoniko 60,000 MT mang ong·gipa maming brina donggijagipa bija bitchirangkoba gong kror 713-mangni damo United States, Saudi Arabia, Canada, Bangladesh, aro Qatar a·songrangchina watatna man·aha.
Bija jilaniko tang·doatna re·mikkange kamko ka·enganio nangchape, NEHU-ni Vice Chancellor, Prof. P. S. Shukla, re·anggipa 2022 bilsini August 15 tariko West Garo Hills a·jani Gambegre Block-ni ning·o donggipa Aminda Rangsa songo Honey village adoption program-ko ong·atangani somoio, “Mithi Kranti” ba Sweet Revolution-ko a·bachengate on·anganikoba nikangna gita man·aha.
Iakoba poraie nina man·gen: Uniform Civil Code-ko ra•gataniara jatni daka rikani aro bebera•anio nangchakeaniko ra•bagen: GHADC CEM
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
