Shillong, May 14: Mongolbar salo, National People’s Party (NPP)-ni ku·wattimgipa Himalaya M Shangpliang, Meghalaya a·dokona railway project-rangko ra·baani bidingo chanchirimaniko dakna all-party committe-o bakrimchina pilak political party-rangko didiataha. Relgarirangko ra·baanichi maikai a·doko tangka paisani gita dal·rorona dakchakaniko on·a man·genchim uni gimin an·tangtangni chanchibewalani ba ku·pattianirangko on·a sakantinan cholrangko on·anggen ine ua talate on·angaha.
Shangpliang, a·doko namroro silroroaniko ra·bana gisiko nanggiparang ong·ode uamangni ku·pattianirang namen gamchatbegipa ong·a ine aganenba mongsongbate Congress aro Voice of the People’s Party (VPP) dolrangko ia chanchirimanio bakko ra·pachina didianiko dakataha. Meghalaya a·dokona relgarirangko ra·bana nangengon, gipin biaponi bang·e napbagipagiparangkoba champengsona nangchongmotani ong·enga ineba ua aganangkuaha.
Salgro Salaram jolo donggipa a·dokrang jekai Mizoram-ba relgarirangko ra·baani namgnirangko nikesa namnike ra·chakaha ineba ua janapataha. Meghalaya a·dok pangnan relgari ra·baaniko jegalsimaia ong·ode, jolo ian relgari grigipa a·dok damsa ong·e dongnaba gnang ineba ua janapangkuaha. Gipin biaponi re·bagiparangni baridapaniko NPP nangnikja ine aganengon, iani bidingo namgipa cholrangko am·sandina gita uamang pilak political party-rang baksa apsan kam ka·na miksongenga ine ua u·iatangaha.
Na·simang ia video-koba nina man·gen:
Na·simang iakoba poraina man·gen: MCS trainee officer-rang SWGH district-ona wenanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
