Tura, 5 Oct: Konta 24ni gisepon West Garo Hills aro South West Garo Hills jolrango balmikka bilongnasiengani gimin tarie asie dongtokchina gita National Disaster Management Authority (NDMA) u·iataniko on·aha.

U·iatani gitade, West Garo Hills aro South West Garo Hillsni mitam a·jarango konta kolgrikbrini gisepon banoba mikka bilonggen aro banoba balmikka baksa mikka kimpretanirang donggen.

Stil onaming mikka kimpreta gnang mikka gamongani a·sel china banani aro a·a be·wakanirang ong·gen ine kenchaksoani dongenga.

Indakgipa obostarangna an·tangtangko tarisame dongchina gita NDMA songpanggipa manderangna u·iataniko on·enga. Sikkim a·doko aramoni chi pakbruani a·sel rang·gitik chi banaha, nokrangko man·pakangaha, jeon sak 14 manderang siaha aro sak 100na baten gimae dongenga. Iandakgipa obostarangko nike NDMA manderangna raken mikrakataniko on·enga.

Teesta chibima namen dal·baengani gimin Sikkim a·doko an·tangtangni naljokanina tarie dongchina gita Indian Meteorological Department (IMD) mikrakataniko on·aha. Apsan daken, Sikkim aro Meghalaya a·dok damgnion konta 48ni gisepon chi pakbrua gita mikka wabana kenchakani gnang ineba an·tangtangni naljokanina tarie dongchina mikrakataniko on·enga