Shillong, 20 July: Bristibar salo, a·dokni Cabinet tom·anio, adita dingtang dingtang chanchianirangko aro niamrangko cabinet-o tik ka·e ra·chakangaha ine skotong minister u·iatangenba, uarangoni skanggipara, Ri-Bhoi district-ni ning·o donggipa Nongmahir song sambao, tourism-ni biaprangko rikna aro namdapatna gita acre 50 a·arangko ra·na chanchie ra·baaniko cabinet-o ra·chakangaha ine parakataha.
Gnigipao, Meghalaya aro Assam a·dokni gisepo, mongsongbate Guwahati aro Khanapara simao, diesel toni damrang gong 6.23 ni gita dingtanggrikani gimin, a·dokni revenue-ko nigrikenba 0.50 paisako bariatchengna tik ka·angaha ine u·iataha.
Iani ja·man, batanggimin 2011 bilsio ra·chakmangimin Rajeet Lal University Act-ni ning·o da·alona kingkingba maming kamrangko nikjahani gimin ia niamko ra·galani giminba chanchijole a·dokni cabinet iako ra·galna tik ka·angaha. Uandake, brigipao, value added tax (VAT)-ko gamani damkode apsankon ja·rikangkuaigen, indiba uko gilani kamrangko nambatroroatgen aro VAT-ko gamna on·ani somoirang dingtangskagenok, jean da·aloni dipetde sal 30-san ong·skagnok aro VAT-ko gamenggipa bading-chiwalgiparang ia sal 30-ni gisepon gamna nangskagen ineba skotong minister u·iatangaha.
Unbaksana, Taxi Aggregator Operational Rules, jekon 2020 bilsio niamko ja·rikata gri Act ba niam dakesan ra·gatahachim, uana niamrangkoba tariaha ine janapatengon, ia service-ko nangnikenggipa jeba aggregator-rang, gari bolprakna licence fee gong 700/- ka·e aro permit fee -ko gong 200/- ka·e bilsi prakon biap damprakna gamna nanggen aro ian songjinma ba district-onasan ong·aigen, indiba a·dok gimikchi salnade gari bolprakna licence fee gong 1300/- ko aro permit-na gong 200/- ko gamskana gita nanggen ine talatan baksa, songregiparangna parako tik ka·ani giminba janapatjolengon, skanggipa km 1 prakna gong 10 ka·e aro una batode km -prako gong 5 ka·e parako ra·na tik ka·aha aro iarangko gital tarigimin Rules-o che·em-che·em segataha ine skotong minister agandapataha.
Iakoba poraie nina man·gen: Winter capital-na dabianio, AKHAF-ni padotba ACHIK-na chakpaaniko parakataha
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
