Shillong, July 20: Achik Conscious Holistically Integrated Krima dolrang Turao Winter capitalko songe on·china aro Roster systemo kamo rakkiani bidingo nipilchina okimu chake jingjengatengon a·dokni skotong minister uamangko ru·utgijaan grongna sienga ine u·iataha.

“Salgittamna skangsan Turani DC ianigimin ang baksa golpogrikaha. Jingjengatenggipa dolrang ang baksa golpogrikna nangnikenga unigimin anga Garo Hillschi re·ango uamang baksa golpogrikgen” ine skotong minister Conrad Sangma aganaha.

“Turani DC, ADC aro doctor rang uamang baksa gnang, aro chinga ia obostarangko name nigrike kamrangko ka·enga” in•e ua agandapaha.

Roster systemko ragatanioba dingtang dingtang dilgiparang aro ACHIK dolrang baksa agan-golpogrikchengesa kamko ka·aha. Ua golpogrikanio beben ACHIK dolrang namnikjae sing·doaha indiba chinga uarangko talate on·aha ineba skotong minister talataha.

Winter capitalni bidingo janapengon “MDA sorkari namroro-silroroanikon skanggipa ja·ku ga·e kamko ka·enga aro iako bil ama dipat kamko ka·enga ineba ua aganaha.
“Governor houseko Turao rikenggipaba matchotnasiengjok, ia bilsion uaba matchotgnok aro kam ka·ani ba jakkalaniba ru·utgijaan a·bachenggnok” ineba skotong minister talataniko on·aha.

Iakoba poraie nina man·gen: A·dokni Cabinet tom·anio adita niamrangko ra·gataniko skotong minister parakata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub