Tura, July 20: Da•o roro bang•bata manderang gari-gora salenggiparang nanga lekkarang donggija aro driving license rang dongija gari-gora salenganiko nikna man•engon Tura ni Traffic Police-rang Te•teng A•ja-o garirangko neng•takate rang•gitik gari lekkarangko sing•sandiaha.
Ia indake gari lekarangko rang•gitik sandiatani miksonganira, da•ororo school aro college re•gipa chatro-chatrirangni scooty aro bike salgiparangko sandirokna ine iako dakaha. Ia indake sandianio bol 30 batpile bike aro scooty jakalgiparangni leka chu•gimik donggijaniko nikna man•aha. Ia rang•gitik check ka•anio gari salgiparang seat belt ganengama ganjaenga ukoba sandijolaha.
Traffic Officer ni Hub News na parakatanigitade, ia indake gari ni lekka chu•onggijagipa, jekai Driving Licence, Insurance, Permit aro seat belt gangijagipa gimiknikon fine ra•enga.
Driving Licence donggijagipaniko gong 5000, RC dongijana gong 5000, permit dongijana gong 10,000, seat belt tekgijagipa aro helmet gangijagipana gong 1000 fine rangko ra•enga ine ua parakataha.
Iakoba poraie nina man·gen: ACHIK dolrangko ru·utgijan skotong minister grongna sienga ine u·iata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
