Shillong, July 15: Shillong-o donggipa Central Bureau of Investigation (CBI) office-o mite nokko chipatenba, antisani gisepon ia mite nokko pe•e galchina dabiengani gimin Khasi Students Union (KSU)-ko Assam-ni Kutumba Suraksha Parishad (KSP) matnangatskaaha.
Shillong-ni CBI office-o donggipa mite nokko pe•e galchina dabiengani gimin KSU-ko matnangatengon, ian a•songni niam bidiko manderangna on•gimin bil aro jakgitelaniko pe•ani gita ong•enga aro ian namgijagipa dakmesokaniba ong•a ine Budbar salo, KSP-ni president Satya Ranjan Borah parakataha.
Mite nokko pe•e galchina dabianiara songsal, niam bidik aro a•songni kosako re•ani gita ong•a ine janapatengon, KSU-ni iandakgipa kamrangara, dingtang dingtang jatrangni gisepo ding•chaogrikaniko ra•bana man•a ine Borah parakataha.
2018 bilsio Mawsynram-o donggipa Mawjymbuin Cave-o ong•anggipa obostako gisik ra•atpilengon, ua somoio Meghalaya sorkari, pilak jat aro toromrangna on•gimin bilko chel•chakna ku•rachakaniko on•ahachim indiba da•o Meghalaya a•doko ong•gipa a•selara, a•dok sorkarini kamo ka•dongna man•gijaniko ra•baaha ine KSP-ni president parakataha.
A•dokni pilak biaprangon pilak jat aro toromrangan jakgitele olakkina man•na gita ja•kuko de•china ua Meghalaya a•dokni Chief Minister Conrad K Sangma-koba didiataha.
Na·simang iakoba nina man·gen:
Na·simang iakoba poraina man·gen: Sorkari office-rangko olakkiram nok dake jakkalna nangja: BJP MLA
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
