Shillong, Jul 15: Budbar salo, Shillong songjinmani Khyndailad-o donggipa OB Mall parking sambao gale donanggipa bag aro trolley-ko nikani ja•man manderangni gisepo bomana kenjagokatani ong•kataha.
Budbar pringni 11:30 bajimango manderang, gale donanggipa bag aro trolley-ko nika bakan ua biaponi katchichana a•bachengtokaha aro iani bidingo koborko man•soani ja•man police dolrang, ua biapona re•bae, ia biapko kapenge donatenba, IGP-chipakni Khyndailad-ona re•baenggipa gari gorarangko champengataha.
Salni bako iandake gari gorarangni re•ruraaniko champengatani a•sel Shillong songjinmani mongsonggipa bakrango garirangni apchangket ong•aniko nikna man•aha.
Ia biapko kapenge donatenba, gari gorarangni re•ruraaniko champengatani ja•man ua biapona boma kimitgipa dolko okamataha indiba boma kimitgipa sipai dol, ua biapona sokbana skang, Budbar salni 12:30 bajimango, ia bag aro trolley-ni nokgipa ua biapona sokbaskaaha.
Ia mande, an•tangni bag aro trolley-ko OB Mall parking sambao donenba, MUDA complex-ona an•tangni kam nangana re•angchengaha aro an•tangni bosturangko ra•ena gualchipaha ine police u•iataha.
Ia mandeko sing•sandie tale ra•ani ja•man police official-rang, ia biapko wataha aro garirangkoba re•piltaina on•aha.
Banoba iandake gale donanggipa bosturangko nikgenchimode ta•raken police-na kobor on•china aro an•tangtangni bosturangko iandake mande jinmani biaprango skatang gale donjachina gitaba police official-rang didiataha.
Na·simang iakoba nina man·gen:
Na·simang iakoba poraina man·gen: Akhil Gogoi-ko Assam Legislative Assembly-oniko rikgala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
