Williamnagar, Jul 15: Re•anggipa 2025 bilsini July 29 tariko, Williamnagar-ni Dawa Matchakolgre songo man•gipa manggisiko DNA dakon, ia mandeni manggisiara, 2025 bilsini July 18 tariko Samgong songo me•chik saksako so•otanina matnanga man•gipa James R Sangma-ni manggisian ine East Garo Hills Police, ma•sina man•aha.

Police-ni u•iatani gitade, 2025 bilsini July 18 tarik attamni 4:00 bajimango, James R Sangma minggipa mande saksa, me•chik saksako attechi den•e so•otaha ine Williamnagar Women Police Station-o FIR ka•ako man•soaha. FIR-ko man•soani ja•man Bharatiya Nyaya Sanhita (BNS)-ni Section 103 ning•o mokordomako segataha aro uni ja•man matnangako man•gipa mande gimaaha.

Sal 11-ni ja•man ma•sina man•gijagipa me•asa saksani manggisiko Dawa Matchakolgre songoniko man•aha aro ia manggisio man•gipa chola ba•ra, mobile phone aro rosary-ara, matnanga man•gipa James R Sangma-nian ine sianggipa mandeni ma•drangrang ma·sina man·aha. Ia manggisiko man•ani ja•man East Garo Hills a•jani Police, ia mandeni siani a•selko sandina gita dingtang mokordomako segataha.

East Garo Hills a•jani Superintendent of Police (SP) Pawar Swapnil Vasantrao-ni aganani gitade, ia manggisiko ma•sina gita James Sangma-ni DNA sample baksana uni nokdangni an•chikoba porikka ra•e nina CFSL-ona watataha aro porikka ra•e nion, ia manggisiara James Sangma-ni manggisian ine ma•sina man•aha.

James Sangma-ni manggisiko man•ani ja•man uni siani a•selko ma•sina pilakni gitan am•sandina a•bachengataha ineba SP parakataha.

Ia mandeni manggisiko man•ani somoio, uni manggisi namen soahani gimin am•sandianiko dakanio neng•nikanirangko man•enga ineba SP aganaha.

Post mortem report-o parakani gitade, ia manggisiko man•ani somoio uni skoba tong•sade grengrarasajokchim aro iani a•selan post mortem ka•anio uni siani a•selko ma•sina man•jaha ineba SP aganaha.

James R Sangma-ni kosako 2024 bilsioba Protection of Children from Sexual Offences (POCSO) Act-ni ning•o minggipa case dongachim ine janapatengon, ia case-ko da•o Police dol, science-ni dakchakanichi aro James Sangma-ni sianiko ma•sigiparang dongama dongja, ukosa sandina jotton ka•skaengaha ine SP parakataha.

Me•chik saksako so•otgipani bon•kamgipa report-ko da•o kacharina pakwatataha aro James Sangma-ni sianiko Police, ning•tue am•sandiengkua ineba SP parakataha.

Indake ong•engon, da•o ia case-ko kacharina pakwatmanahani gimin tol•gipa kattarangko giproroatjachina aro niamrangko jaktango ra•jachina gita SP, East Garo Hills a•jao songdongenggipa manderangko didiataha.

Na·simang iakoba nina man·gen: 

Na·simang iakoba poraina man·gen: Khyndailad-o gale donanggipa bag manderangko kenjagokata

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub