Tura, Jun 21: A·songni gipin biaprango gitan Tura-oba NEET (UG) porikkako Robibar salo ong·atpiltaiaha aro ia porikkako Tura-ni centre damgnio, sak 1000-na baten sepiltaiaha.
NEET (UG) porikkako ong·atgipa Tura-ni centre-rangona Hub News, re·ange niangaha aro ia centre-rango, NEET (UG) porikkako name ong·atna man·na gita chel·chakanirangko chu·onga gitan donataha ine nikna man·aha.
Porikkako a·bachengna skang, question paper-rangko, Punjab National Bank-oniko Tura-ni centre damgniona ra·angaha aro ia question paper-rangko exam centre-rangona ra·anganio, Border Security Force (BSF)-ni sipairang, district administration aro examination official-rang nitimaha.
NEET (UG) porikkako Robibar attamni 1:00 baji dipet a·bachengataha aro porikka ra·gipa centre ning·o aro a·palrangoba sipairang aro official-rang, mikrakbee nirokangaha.
Porikkani somoirango, Tura-ni NEET centre damgnion chel·chakgipa sipai dolrangko donataha aro CCTV camera-rangchiba nitimangaha.
Adita jarangna skang ong·atanggipa NEET (UG) porikkao question paper-rang leak ong·aha ine matnanganirangko man·ahani gimin ia porikkako den·galpilenba da·o gital dake porikkako ra·piltaina nangaha aro iani a·selan a·song gimiko ia porikkako segipa chatro chatrirang, neng·nikanirangko chagrongna nangtokaha.
Iana skang ong·atanggipa NEET (UG) porikkao question paper-rang leak ong·aha ine matnanganirangko man·ahani gimin Central Bureau of Investigation (CBI)-chi am·sandianirangko dakenga aro iani bidingo baditaba sak manderangko da·o dipet rim·na man·engaha.
Ia NEET (UG) porikkako National Testing Agency (NTA) ra·enga aro ia changode maming ong·gija kamrangko ka·na man·jana gita NEET (UG) porikkako ong·atanio rakbatgipa niamrangko ra·gate, porikka sechakgipa pilak centre-rangon chel·chakgipa sipairang aro official-rangko donattokaha.
Na·simang iakoba nina man·gen:
Na·simang iakoba poraina man·gen: Dawki-ona re·gipa rama a·a ruani a·sel, Shillong-Dawki highway-ko champengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
