Shillong, June 21: East Khasi Hills a·jani District Administration, bilongbee a·a ru·anichi ramarang nosto ong·atako man·ahani gimin Laitlyngkot song badeange Shillong-Dawki highway ramako champengatani a·sel, Dawki aro uni sepangjolo donggipa biaprangona songreaniko nangchakeataha. National Highways and Infrastructure Development Corporation Limited-ni u·itanio pangchake, ia nosto ong·gipa ramarangko taripilna gita adita salrangko nanggen ine Deputy Commissioner Abhilash Baranwal u·iataha.
Jinmani naljokanina gital u·iatanirang sokbakujana kingkingde ia ramako chipe donatenga. Songre songgabatgipa manderangko gipin ramarang jekai Shillong-Sohra-Sohbar-Dawki ba Shillong-Jowai-Amralem-Dawki ramarangko jakkalskachina ku·pattianiko on·atani gisepon, ru·utbate songreaniko ka·dongsochina aro official-rangni on·gimin ge·etanirangko ja·rikchinaba u·iataha.
Iana agreba jolo songdonggipa manderangko, India Meteorogical Department-ni mikka waanina mikrakataniko knae ra·jringchinaba didiataha maina dondikpilgija mikka bitchirang ga·akanichi a·a ruanina kenchakaniko baribatataha. Authority-rangni aganani gitade, ia ramani champengatako man·aniara tourism, bostu salgipa garirang aro gario songre songgabatgiparangko nangchakeatnaba dongaha. Ramarang taripiltaianiko dakengon, ramarangko kulie on·piltaiani giminde mamingkoba u·iata dongkujaenga.
Na·simang iakoba nina man·gen:
Na·simang iakoba poraina man·gen: “Reble” skanggipa Hello Meghalaya Music Award-o “Icon of the Year” award-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
