Shillong, Oct 26: Meghalaya-ni Chief Electoral Officer Pa B D R Tiwari, special summary revision scheduled draft rule-o pangchake draft electoral roll-rangko October 27 tariko parakatgen ine Bristibar salo u·iatangenba, electoral roll-o biming segatani bidingo a·kanganiko ba jegalanirangko dakna gita October 27 oni December 9 tarikona somoiko on·gen ine parakataha.

Pa Tiwari, iani bidingo kobor ra·timgiparangna agananganio, ia bilsi October 3 tarikona kingking a·dokoni vote pu·onna man·giparang gimik sak 21,86,151 mang ong·a ine parakangengon, ianoni me·asa sak 10,81,006 aro me·chik sak 11,00,5142 vote-rang ong·a aro aro bangkiranga gender voter aro service voter-rang ong·a ine ua janapataha.

A·dokoni polling station-rangni gimin aganangskaengon, ge 32 gital polling station-rang dongdapa baksana ge·gniko nangdimatani ja·man ia bilsi October 27 dipat a·doko gimiko ge 3,512 polling station-rang dongaha ineba ua u·iatangaha.

October 27 oni December 9 tarikona, electoral roll-o biming segatani bidingo jegalani ba a·kanganiko dakna somoiko on·miting somoio November 11 aro 18 tarikrango, Booth Level Officer (BLO)-rang changgni special campaign-rangko polling station-rango dakanggen.

Electoral roll-o biming segatgiminko bon·kame parakatna skang, commission-ni ra·chakataniko aro nipilanirangko January 1 tariko dakanggen ine u·iatenba, una skangan pilak a·kangani aro jegalanirangko December 26 tarikon matchotate, a·dokni electoral roll-ko re·baenggipa January 5 tariko parakatgen ineba Pa Tiwari u·iatangaha.

Iakoba poraie nina man·gen: NEHU-o poraienggipa chatro chatrirangni dabianiko knachakjaengani gimin jingjengata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub