Shillong, Nov 28: Re·baenggipa 2023 bilsio a·doko Assembly election-rang ong·na mikkang-mikkang, dingtang dingtang political dolrangoni sakgittam MLA-rang Sombar salo, Meghalaya Assembly-ni agan-chalaitimgipa Pa Metbah Lyngdoh-ko Shillong-o grongenba an·tangtangni kam watani chittiko on·angtokaha ine koborko man·soaha.

Iani bidingo koborna u·iatani gita, Meghalaya sorkariko rikdilenggipa National People’s Party (NPP) doloni sakgni MLA-rang, Pa Benedic R Marak, jean Raksamgre Constituency-oni MLA ong·a aro Selsella Constituency-oni MLA Ma Ferlin A Sangma-maang baksana, Congress-oni AITC dolo napanggipa aro Mawsynram Constituency-oni MLA Pa Himalaya M Shangpliang-maang sakgittam Sombar salni bako dingtang dingtang a·selrangko janape kam watani chittiko on·angtokaha.

Indake ong·engon, uamang sakgittaman Bharatya Janata Party (BJP) dolo napetokna am·enga ineba koboroniko knasona gita man·aha.