Tura, Mar 24: All Garo Hills Trained Electricians Association (AGHTEA)-ni chang 10-gipa tom·bimonganiko re·anggipa Sonibar salo, Tura-ni District Auditorium-o ong·atangaha aro ia tom·anio Garo Hills-ni dingtang dingtang unit-rangko dilenggiparang bakko ra·angaha.
Ia tom·anio AGHTEA-ni dilgiparang jinma apsan tom·e chanchirimengon, gipin biaprangoni Garo Hills-ona niam gri re·bae, maming licence gri manderangni nokrango, office-rango aro uandakgipa dingtang dingtang biaprango wiring ka·e on·aniko rakbate champengna tik ka·angaha.
Bijolini kamko ka·enggipa mitam contractor-rang, Garo Hills-ni electrician-rangko jakkalgija gipin biaprangonikosa rimbae kamrangko ka·atengani giminba AGHTEA suk ong·gijaniko parakangaha aro iandake gipin biaprangoni electrician-rangko champengsona gitaba tik ka·angaha.
Nokrango, office-rango ba badiaba company-rango wiring ka·na nangengon, joltango skie ra·gimin electrician-rangkosa jakkalchina aro electrician-rangko kam ka·atengon, pangnan uamango licence aro identity card-rang dongama dongja uko sandichina gita AGHTEA-ni president Justine Sangma didiataha.
Tura-o Electrical Licence Supervisor contractor-rangna licence-rangko renew ka·na ba gital dake tarie on·na man·na gita Tura-ni Electrical Inspector-na chu·gimik bilko on·china gitaba AGHTEA dabiangaha.
Indake ong·engon, 2019 aro 2020 bilsio Saubhagya project-ko Onycon Infra LLP-ni ning·o sub-contract ka·e cha·giparangni tangkarangko da·alonaba man·kujaengani gimin ia local contractor-rangni man·na nangenggipa tangka paisarangko ta·raken on·china gitaba AGHTEA dabiangaha.
Na·simang ia video-koba nina man·gen:
Na·simang iakoba poraina man·gen: IIT Guwahati-ni chatro saksako ISIS-o napna parakani gimin police-rang rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
