Shillong, April 9: Meghalaya-ni Cabinet Minister Ampareen Lyngdoh, sorkarini scheme-rangko Aadhaar baksa linked ka·atani ba nangdimataniara ma·mong sorkarini tik ka·giminsa ong·a a·dok sorkarini ong·ja inenba, dingtang dingtang scheme-rangko Aadhaar baksa linked ka·atanina jegalaniko dakenggipa dol, Awaken India Movement-na aganchakani gita u·iatangaha.
Aadhaar-ko dingtang dingtang sorkarini on·gimin namgnirang jekai ration card-rang, job card-rang, MHIS aro chatro chatrirangni scholarship-rangna nanga, maina baditaba bilsirangna skangan Parliament-o Aadhaar-ko nangdimatna niam-rangko ra·gatman·aha inenba Lyngdoh talataniko dakangaha. 2016-17 bilsirango, a·dok sorkari Meghalaya-o Aadhaar-ko watchanggalchina didiatahachim, indiba ma·mongoni maming aganchakanirangko man·sojaha ineba ua janapataha.
Aadhaar-ni gimin manderang maiba neng·nikani dongode badi ka·aniko nangchakegipa authority-rangna watatna nanga, indiba a·dok sorkariko matnangna nangja ine janapatengon, jegalaniko dakgipa dolrang an·tangtangni jajrenganiko name aro mande ra·a baksa sing·doanirangko dakna nanga ineba u·iatangaha.
Na·simang ia video-koba nina man·gen:
Na·simang iakoba poraina man·gen: NEHUSU, Professor Sungoh-ko Pro Vice Chancellor-ni kamko watchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
