Guwahati, Dec 17: All Assam Non Provicialized Teachers Association, Guwahati-ni Chachal-o okgimu chake Sombar saloni jingjengatna a•bachengataha.

Ia okgimu chake jingjengatanio, Assam a•dokni dingtang dingtang Non Provicialized school aro college-rangoni sak ritchani ritcha skigiparang aro kam ka•giparang re•bae bak ra•angaha.

Indake, uamangni jingjengataoni gnigipa sal ong•engon, adita skigiparang okgimu chakanichi bilgrianiko man•e saaniko man•a a•bachengtokaha.

Ia jingjengataniko dakenggipa skigiparang, Himanta Biswa Sarma-ni dilenggipa sorkari uamangko cha•bokaha, chong•motan, 2022 bilsini October 20 tariko, uamangni dabia gita sorkari uamangni dormahako on•tokgnok ine a•dokni Skotong Minister ku•chakahachim, indake ong•genchimoba ia ku•rachakanirangko chu•sokatani pal sorkari kam ka•nan jechakskaengaha ine matnangataha.

Ia skigiparang ni okgimu chake jingjengataniara, jingjengatengasan ong•aija indiba uamangni janggi tanganina dakgrikani ong•enga. Uamangni dabianiara, uamangni dormahako bakan on•china Skotong Minister baksa golpogrikna ine miksonganian ong•enga aro uamangni dabianiko chu•sokatjagenchimode, iana bate mikkangchi jingjengatanggen ine mikrakanikoba uamang on•angaha.

All Assam Non Provicialized Teachers Association-ni President Harmohan Bora, uamang Patakshik-ni manderangna lekka pora skianiko on•a adita salrangonin dakgrikbaengaha aro iani bidingo agan golpogrikna gita Delhi-onaba uamang re•angaha. 2022 bilsini October 20 tariko Skotong Minister uamangko grongenba uamangni neng•nikanirangko namdapatna aro dabianirangko chu•sokatna ku•rachakangahachim indiba da•alonan chu•sokatkujaenga, indake ge 2319 Non Provicialized school aro college-rang gnang aro iano skie on•enggiparang aro kam ka•enggiparang sak 29,527 mang gnang aro uamang dormaha grian kamrangko ka•e on•enga. Iani gisepon sorkari uamangna dormahako on•kujaengani gimin uamang ia jingjengataniko dakenga ine aganaha.

Na·simang ia video-koba nina man·gen:

Na·simang iakoba poraina man·gen: Bilsi 16 ong•gipa me•chik bi•sako jinma til•ekgrimanio jak donggipa sak 5 manderangko rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub