Guwahati, Apr 13: Sonibar salo, All Assam Guwahati Students Union (AASU), Rongali Bihu-ko gisik ra•ani bakdakenba, Mukoli Bihu Utsav-ko Judge Field-o ong•atangaha.
Manianio, lyricist aro music director, Prashant Bordoloi, AASU-ni president Utpal Sharma aro General Secretary Shankar Jyoti Barua-ni dongpaanio, Bihu-ni nisanko badalataha aro sianggipa matgrikrangko mande ra•an baksa gisik ra•aniko dakangaha.
Unbaksana, a•dokni dingtang dingtang bakrango chu•sokgipa manderangko, jekai, Padmashree award man•gipa Parbati Barua, Drona Bhuyan, Sarbeswar Basumatary, aro Sangeet Natak Akademi award-ko man•gipa Dulal Roy aro gipinrangna, AASU-ni Chief Advisor Dr. Samujjal Bhattacharya-ni jakchi mande ra•pilskaaniko dakangaha.
Mukoli Bihu program-o, sak 100 Mishing jatrangni dakrongbaenggipa jatni chrokani “Gumrag Dance”-koba chrok mesaangaha aro sak 100 A•chik chadamberangba, Wangala chokaniko chroke mesokangaha
Unbaksana, Bihu Husori Dol-rang doka damanikoba dakangskaaha.
Bohag Bihu, ian Assamese-rangni Bilsi Gitalko, April jajatchio maniani ong•a. Ia manianiko, gisik nange aro a•doko, jatni dakbewal rikbewalrangko ripingna didianiko on•a ine maniaha.
Na·simang ia video-koba nina man·gen:
Na·simang iakoba poraina man·gen: NPP-ni Padot aro a•dokni Skotong Minister Conrad K Sangma, Killing-o NPP candidate Ampareen Lyngdoh-na wenna
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
