Tura, July 21: A·dokno Health minister Ampareen Lyngdoh Tura aro South Garo Hills a·jarangko wena tik ka·ahachim indiba adita NGOrangni uni Garo Hillsona wenbaaniko jegalsoani gimin ua dontongpilaha. Tura songjinmao sana-banani bidingo chubatgipa officer rang baksa golpogrikna aro rikna-cho·na nangenggiparangni bidingoba golpogrikna ine miksonge re·baengachim.
Ua Bristibar salo North Garo Hillsni Resubelparaona wenbaaha aro chugipa gadangni dilgiparangko gronge nanga kamrangni bidingo Mendipathar Multipurpose co-operative Hallo tom•e agan-golpogrikaha. Ua Chief Ministers State Motherhood scheme aro ma·gipa sakantini an·seng-baljoke an·pakani bidingrangoba agan-talate on·e adita sorkarini kam ka·enganirangko aganangjolaha.
Turao Winter capitalko songe on·china adita NGOrang jingjengatengon Ampareen Lyngdoh iani bidingo adita salrangna skang katta ku·jokaha aro jingjengatenggipa dolrang uni kattako ra·chakna man·jae uni Garo Hills ba Turaona wenbaaniko raken jegalsoaha, iani a·selo minister Lyngdoh Turao Sukrobar pringo tom·e chanchigrikna manchisogiminko dontongpilataha. Uni Turaona re·baenganiko namnikjae GSMC, ACHIK, UGPF, Tura Govt.
Student Union aro gipin NGOrang chrik-a·boke banner aro flag gisimrangko ra•e jegalsoahachim.
Iakoba poraie nina man·gen: Skotong minister, Dominic Sangma-ni gital jawilwat ‘Rapture’-ni poster-ko oprake on·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
