Shillong, Jan 27: Re•baenggipa February 21 tariko ong•atenggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-o seokako man•e Executive Committee (EC)-ko chalaina man•genchimode, ia district council damgnini ning•o dingtanganiko ra•bana gita Bharatiya Janata Party (BJP), ming 10 ku•mikchetanirangko on•angaha.
Iani bidingo talataniko on•angengon, KHADC aro JHADC-o EC-ko chalaina man•genchimode, Syiem, Doloi, Sardar aro Rangbah Shnong-rangna bilko on•enba, biming segate hajira ka•enggiparangna, taxi driver-rangna, segri me•chikrangna aro uandake cholgri manderangna japrako gong 2000/- ka•e dakchakanirangko on•gen ine BJP-ni state president Rikman G Momin ku•rachakaniko on•angaha.
Niam gri koelarangko bikotengani a•sel kajinarangko man•jae a•dokni damgittam district council-rangna on•enggipa kajinarang komiangaha ine janapatengon, ia district council-rangko tangka paisani gita mangrakatpilna Supreme Court-ni ge•etanio pangchake jadokni gisepon niamo pangchake koela bikotaniko a•bachengatgen ine Momin ku•rachakaniko on•angaha.
A•dokni daka rikanirango pangchake jatni wata chenga, sika koa aro uandakgipa jakni kamrangko tang•doatna aro AYUSH Ministry-ni dakchakanichi, jatni sanna banani bewalrangko bilakbatatna kam ka•gen ineba Momin ku•rachakaniko on•angaha.
Songadam nokadamrango, Syiem, Doloi, Sardar aro Rangbah Shnong-rang baksa nangrime, skia man•e kamgri ong•e dongenggipa chadamberangna bading chiwalani cholrangko on•na kam ka•gen ineba BJP-ni state president aganaha.
Jadokni gisepon district council-o membor-rangko bariatna gita ma•mong sorkari baksa agangrikgen ineba ua ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Nongpoh Circle-ni FKJGP dolni member-rang DSEO-ko sombar salo grongea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
