Shillong, Feb 10: Re•baenggipa February 21 tariko ong•atenggipa Khasi Hills Autonomous District Council (KHADC) election-na Sombar salo, Khun Hynniewtrep National Awakening Movement (KHNAM) dolni ming 15 ku•rachakanirangko segipa manifesto-ko jinmana oprakataha.
Ia manifesto-ko oprakna gita dingtangmancha KHNAM dolni tom•bimonganiko State Central Library-o ong•atangaha aro ia tom•anio, KHNAM dolni sak 11 candidate-rangan dongpae bak ra•angaha.
Ia manifesto-ko oprakatani ja•man KHNAM dolni working president Thomas Passah, kobor ra•timgiparangna talate on•angengon, KHADC election-o seokako man•genchimode uamangni skanggipa aro mongsonggipa dabianiara, Indian Constitution-ni Sixth Schedule-ko mangrakbatatna dabianian ong•gen aro unbaksana Sixth Schedule-oniko Para 12 (A)-ko kimite galchina dabianian ong•gen ine parakataha.
District council-rangna on•gimin jakgitelgipa bilrangko chel•chakchina aro Scheduled Tribe Order 1950-ko ta•raken taridapchina gitaba KHNAM dabianggen ineba ua aganaha.
KHADC-ni ning•o pilak Hima aro Elakarangni daka rikanirangko niamo ra•gatna, KHADC-o tangka paisani gita obostako namdapatna, Tribal jatrangni bading chiwalanirangko chel•chakna Trading by Non-Tribal (TNT) Regulation 1954-ko nambate rakkina aro uandake jatni daka rikanirangko chel•chakanian KHNAM dolni mongsonggipa daitorang ong•gen ineba KHNAM-ni working president Thomas Passah aganaha.
Na·simang ia video-koba nina man·gen:
Na·simang iakoba poraina man·gen: Motphran sambao donggipa godown-ko wa•al kama
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
