Shillong, Aug 30: Banggija salrangna skang a•dok sorkari Meghalaya Residents Safety and Security (Amendment) Bill, 2020-ko constitution-ni gita ra•chakgimin ong•a aro a•doktango jakgitel ong•e re•ruraaniko champengani dongja ine gisik ra•piltaiatani gita seatgimin chittina aganchakaniko nichakenga.
Court-oni ge•etaniko man•e facilitation centre-rangko dondikatani gisepon, MRSSA 2016-ni chong•mot niamrangko sorkari a•bachengatskaaha jean pilak nok para ra•e dongenggiparangni lekka pancharangko kakket ine mesokani ong•a aro indake da•o dipet dam 16 gittimrang ia original Act ba chong•mot niamko a•bachengatengaha inenba, Bristibar salo TMC-ni dilgipa aro gitcham Skotong Minister Mukul Sangma-ni resolution-na, Deputy Chief Minister In-Chagre Home, Pretone Tynsong aganchakaniko on•angaha.
Ra•galpilgimin resolution-ko, a•dokni namgnina sorkario ia MRSSA 2016-ko a•bachengatpilchina gita didianiko nangnikenga.
2023 bilsini June 16 tariko, Ministry of Home Affairs (MHA)-ni a•dok sorkarini niam rakkigipa department-na seatgipa chittio, a•dokona napbagiparangni chu•gimik lekka pancharangko am•enba aro on•a man•gijagiparangna sasti-ko on•aniara, uamangni janapgimin Bill-ko Meghalaya Residents Safety and Security Act, 2016 (MRSSA)-ni chong•mot miksonganinan badepila ine janapataha. Aro ian Article 19-ni (1) (d) aro (e)-o segimin constitution-ni niamko pe•a ga•aka. Uni gimin ia janapgimin bill ba niamni bidingo talataniko on•an baksana a•dok sorkariko ia Bill-ni bidingo nipiltaianikoba dakchina didianiko dakataha.
Iani bidingo, a•dok sorkarini gita aganchakaniko re•anggipa 2023 bilsini February 21 tariko, ia Bill-aran constitution-ni gita kakket ong•a aro ia Bill maming dakeba Constitution-ni Article 19-ko pe•ani ong•ja indiba MRSS Act-ko bilakbatatna miksonganisan ong•a ine talataniko on•manaha inenba Tynsong u•iataha.
Iani gisepon, a•dok sorkari ia Act-ni mittam niamrang jekai para dongenggipa manderangni lekka pancharangko kakket ong•aniko niani aro a•ja ge•antion District Task Force-rangko donaniko a•bachengataman•aha. Ia Act-ko a•bachengatgipa gittimanti aro nok para on•enggiparangni an•tangtang re•bae bimungrangko segateanina Shillong-ni dingtang dingtang gittimrangni manderangko mitelaniko dakangan baksana ua gipin a•jarangoba ia District Task Force-rangko jakkale ia namgipa kamrangko ka•angrikrikna man•gen ineba an•tangni ka•donganiko Deputy CM parakataha.
“Chinga iani bidingo che•em che•em aganchakanirangko dakatan baksana, re•anggipa 2024 bilsini July 15 tariko Union Home Minister baksa tom•aniko dakanio a•dokni Skotong Minister agan-golpogrikanikoba dakangaha,” ineba ua agandapangkuaha.
Indake ong•engon, a•dok sorkari 2020 bilsini December 17 tariko PIL-ni bidingo Meghalaya High Court-ni ge•etaniko man•e dingtang dingtang biaprang jekai Ri-Bhoi-ni Umling-o, Umroi Airport-ni Shillong Airport-o aro North Garo Hills-ni Mendipathar railway station-rango entry-exit point-rangko a•bachengataniko dondikataha aro unomiting covid saanirang ong•ani a•selo ia Facilitation centre-rangko COVID test ka•chakna ba porikka ka•e nianiko dakna gita Health & Family Welfare Department-rangna pakwate on•angaha, ineba Tynsong u•iataha.
MRSSA-o bimung segatna aro nok para ra•giparangni pilak u•ina nanganirangko man•a gita, a•dok sorkari 2022 bilsini September 8 tariko https://megrssa.nic.in online portal-ko a•bachengataha. Ia web portal-ko para donggipa, nok nokgipa, gittimrang, gittimni dorbar snong ba nokmarang, police station aro district task force-rang jakkalna gita man•gen.
Ia online portal-ko pilot basis-o East Khasi Hills a•jani ning•o donggipa dam 7 gittimrang chong•motan Nongrim Hills, Pohkseh, Nongrah, Nongmensong, Lapalang, Riat Laban aro Wahdienglieng-o a•bachengataha. Maina East Khasi Hills-ni Shillong ian Skotong song ong•enba
Na·simang ia video-koba nina man·gen:
Na·simang iakoba poraina man·gen: Chang 3-gipa Indian Racing Festival (IRF)-ko ong•atanio Salgro Salaram-ni Jaden R Pariat chegipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
