Guwahati, Feb 5: Sombar salo, Congress MLA Bharat Narah, Assam a•dokna gitalgipa project-rangko Prime Minister Narendra Modi chamataia dongja, indiba batanggimin somoio chamatgipa budget-onikosa gital dake ma•ekate dingtang project dake mesokenga inenba Guwahati-ni Rajiv bhawan-o press conference-ko ong•atanio matnange aganaha.

Indake, Dolabari-oni Jamuguri-ona re•gipa sorokkoba, oprake on•aoni jagittamni jamansa tarina a•bachengataha ine Narah janapata.

Prime Minister Narendra Modi, nokking kosako solar-ko teke on•ani kamko ka•ani contract-ko Adani-na on•a ku•rachakani aro uandaken gipin ku•rachakanirang jekai, 2014 bilsio Election-ko ong•atani somoio, sak million 20 chadamberangko sorkarini kamo rakkina ku•rachakani, game ge•e cha•enggiparangni man•gniko gadanggnimangni gita bariatna ku•rachakani aro ja dokni gisepo, Assam-ni tribal manderangko dol ge•dok dake sualchina dabianiko chu•sokatna ine tol•e ku•rachakaniko on•aha inenba ua matnangataha.

PM Modi-ni chamatgipa project-rangoni Kamakhya-ona napbagipa ramako tarina chamatgipasan gital project ong•aia ineba ua janapataha.

Indake, gong crore 11,600-oni gong crore 498 mangni gitasan, Assam sorkarini ning•o ga•akenggipa project-rang ong•a ineba Narah aganaha.

Unbaksana, Assam a•dokni chadamberangni bobil dolrango napanganiko maini gimin champengsona man•jaenga ine sing•doatan baksa, Manipur a•doko so•sojengjeng ong•engani bidingo jinma tom•bimonganirangko ong•atanio Prime Minister-ni bak ra•jani giminba ua matnange aganangaha.

Iakoba poraie nina man·gen: Assam Assembly-o Congress membor-rang jingjengata

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub