Tura, July 26: Meghalaya a•dokni chadamberangko gipin a•songrango kam ka•e cha•na cholrangko on•na miksonganio dingtangmancha Job Fair-ko Sukrobar salo Tura-ni District Auditorium-o ong•atangaha aro ia Job Fair-ko ong•atanio, Meghalaya a•dokni Chief Minister Conrad K Sangma, jinmana aganprakengon, a•dokni chadamberangko gipin a•songrango kam ka•e cha•na dakchakgen ine ku•rachakaniko on•angaha.
“Sorkarini gita chinga chingni chadamberangko dingtang dingtang agency-rang baksa nangrimatna jak on•aha aro chadamberangni gipin a•songrango kam ka•e cha•na training-rangko ra•anio chinga gong 50,000-ona kingking tangka paisani gita dakchakanirangko on•gen. Gipin a•songrango kam ka•e cha•na gita chinga chadamberangna visa-rangko aro gipin nangchongmotgipa lekkarangko man•e on•na gitaba dakchakgen,” ine Sangma aganaha.
Gipin a•songrango kamrangko ka•na gita chadamberangko nangbatengani gimin a•dok sorkari, a•dokni chadamberangko gipin a•songrango kamrangko ka•e cha•na cholko on•na tik ka•aha ineba Chief Minister aganaha.
Sak 1000 chadamberangko Japan, Singapore aro UK gita dakgipa a•songrangona kam ka•e cha•na watatna man•genchimode uamang japrakon gong lak 1.2-mangni gita dormahako man•e tangka paisarangko chimongna man•gen ineba Sangma aganaha.
Developed ong•gimin a•songrango songdongenggipa manderangoni bang•batan bilsi re•angengaha aro kamrangko ka•na gita chadamberang chu•ongja ine janapatskaengon, Meghalaya a•doko chadamberangan bang•batani gimin training-rangko on•e aro sorkarini gita nangchongmotgipa lekkarangko on•e gipin a•songrango kam ka•e cha•na watatna chol ong•enga ine Chief Minister parakataha.
An•tangni Japan a•songona re•angani bidingo janapatengon, “Japan a•songni Kobe-o kam ka•enggipa Meghalaya a•dokni nurse sakgni, ua biapo kam ka•na cholko man•engahani gimin namen kusi ong•enga aro anga an•tangan uamangko Kobe-o grongbae, hospital-ni official-rangkoba grongbaaha. Ia hospital-mangmangon sak 700 nurse-rangko bilsiprakon nangenga aro Japan a•songo kamrangko ka•na gita chadamberang chu•ongjani gimin uamangna chadamberangko nangenga,” ine Sangma aganaha.
Adita jarangni gisepon, a•dokni sak 27 chadamberangko Japan a•songo, sak 44-ko Singapore-o aro sak 50 chadamberangko UK a•songona nurse-ni kamko ka•na watatgnok ineba Chief Minister parakataha.
Gipin a•songrango kam ka•e cha•na re•angna gita kenchakanirang dongengani gimin talataniko on•angskaengon, kamni gimin skie ra•na, ku•sikrangko skie ra•na aro kamo donatna gita namgipa agency-rangko sandichina a•dok sorkari, Meghalaya Skill Development Society (MSSDS) aro Labour, Employment & Skill Development Society Department-na kamko pakwatmanahani gimin chadamberang jajrengna nangjawa ine Chief Minister aganaha.
Na·simang ia video-koba nina man·gen:
Na·simang iakoba poraina man·gen: Assam a•dokni CM, Charaideo Maidan-ko World Heritage Site-o chapatna man•ahanina Prime Minister-o mitelata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
