Shillong, May 15: Meghalaya a•doko donggipa damgittam Autonomous District Council (ADC)-rangni dingtang dingtang nangchongmotgipa kamrang aro nanganirangni bidingo chanchirimna gita Budbar salo, a•dokni Chief Minister Conrad K Sangma, ia damgittam ADC-ni dilgiparang baksa tom•aniko ong•atangaha aro ia tom•anio a•dokni Deputy Chief Minister Prestone Tynsong-ba dongpae bak ra•angaha.
Ia tom•anio damgittam ADC-rangni chief executive membor (CEM)-rang, deputy CEM-rang aro gipin membor-rangba bak ra•angtokaha aro ia tom•anio District Council-ni nangchongmotgipa kamrang, jekai kam ka•giparangko nirok sandiani, service rules, financial rules aro uandakgipa dingtang dingtang kamrangni bidingo Chief Minister baksa chanchirimangaha.
Ia tom•anio dingtangmancha District Council Affairs Department-ni gita Chief Secretary-ni dilanichi ADC-rangna dakchakanirangko on•na gita committee-koba songe donangjolaha.
District council-rangni pass ka•gimin Bill-rang, jerangan Governor-ni ra•chakaniko man•kugija bangki dongengachim, uandakgipa Bill-rangni bidingo chanchirimangengon, District Council Affairs department-ni songe on•gipa Expert Committee baksa ia bangki dongenggipa bill-rangni gimin chanchirimenba nanga gita taridapanirangko dakaha ine tik ka•angaha.
Indake ong•engon, Tribal-rangni daka rikanirangni gimin am•sandianirangko dakenba see rakkichina gita ia tom•anio a•dokni Chief Minister, damgittam ADC-rangna ku•pattianiko on•ataha.
Na·simang ia video-koba nina man·gen:
Na·simang iakoba poraina man·gen: Chiakkolo ga•aksrugipa mongma bi•sako jokata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
