Shillong, Feb 15: Meghalaya a•dok sorkari, a•doko lekka pora skiako on•anio namdapatna gita Skukrobar salo chanrimaniko dakangaha.
A•dokni dam 14,500 mangni gita school-rangko namdapatanichi, nangchongmotgipa kamrangko ja•rikaiasan ong•aijawa indiba chatro chatrirangni skie ra•anikoba namdapatna man•gen ine official-rang ka•dongsoenga.
Education Department-ni Commissioner aro Secretary ong•enggipa Vijay Mantri-ni dilanichi, lekka pora skianiko on•anio namdapatani dingtang dingtang cholrangni gimin Sukrobar salo tom•e chanchirimaniko dakangaha. Ia tom•anio mongsongbate, apsan Institute-kon dingtang dingtang gadango dingtang dingtang manderangchi chalaianiko ba nirokaniko dakengani bidingo chanchirimangaha
School Education & Literacy-ni Director, Swapnil Tembe kobor ra•timgiparang baksa agangrikengon, ge•sa school-an gadang bri dake chong•motan, Lower Primary, Upper Primary, Secondary aro Higher Secondary dake chalaiengani gimin dingtang dingtang UDISE code-ko dingtang dingtang scheme-rangna nanga aro unbaksana indake ong•engon bang•a chatro chatrirangan gadang saoni gadang saona jitrurana nangengani a•sel school re•gija galchipgipaona sokenga aro iani gisepon National Education Policy (NEP) 2020-ni ning•o, chatro chatrirangni poraianio man•dikataniko on•jana gita pre-primary-oni class 12-onade institution ge•sani ning•on gimikko man•chapna gita janapaha ine aganaha.
Skotong Minister Conrad K. Sangma-ba, lekka pora-ko on•a gita gadang gadang school-o ja•rikenggipa bewalrangko namdapatna nangenga ine janapangaha.
2011 bilsini census-o ba sandianiko dakanio, Meghalaya a•doko 14,582 school-rangna sak 55,160 skigiparang-ko rakkiaha, aro ia school-rangoni, ge 7,783 government school-rang aro ad-hoc aro deficit school-rangko chanchape, ge 4,172 government-aided institution-rang ong•a jean salgro salaram jolrangoni Meghalaya a•dokon school-rang bang•batgipa ong•a ine nikna man•a.
Indake, Education Department, chapdimatna man•gipa school-rangko sandichina official-rangko ge•etataha aro iani report-ko ru•utgijan man•sona ka•dongsoenga.
Na·simang ia video-koba nina man·gen:
Na·simang iakoba poraina man·gen: Special fertility aro IVF service-rangko Shillong-ni Apollo Trinity-o a•bachengatna sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
