Shillong, Oct 2: Meghalaya a•doko lekka porako namdapatna gita chol ong•gipa biaprangode smart classroom-rangko kuligen aro pilak skulrango technology-ko namdapatna jotton ka•enga ine a•dokni Education Minister Rakkam A Sangma parakataha.
Education Minister-ni aganani gitade, ia chasongara technology-ni chasongsa ong•ani gimin lekka porako on•anioba technology-ko jakkalna nangengaha.
NCERT-ni textbook-rangko internet gita man•engaha aro je biaprangon internet-rang donga, uandakgipa biaprangode textbook-rangko man•enga ineba ua aganaha.
Da•o dipet a•doko ia cholko chu•gimik jakkalkujaengoba mikkangchi ian dingtang ong•gnok ineba Education Minister ku•rachakaniko on•angaha.
Re•baenggipa bilsioni Science aro Mathematics gita dakgipa subject-rangna QR code-rangko a•bachengatna miksongenga ineba ua aganaha.
A•doko, mongsongbate songadam nokadamrango network-rangko man•jaengani gimin janapatengon, iandakgipa biaprango mobile aro internet service-rangko name man•kujaenga ine Sangma ku•chakaha.
“A•doko 80 percent-ni gita internet-rangko man•ahaoba 10 ba 20 percent-ni gitade name man•tokkujaenga. Ia pilak neng•nikanirangkon a•dokni Chief Minister ma•sia aro bakan a•dokni pilak kona noksikrangonan mobile network-rang sokanggnok,” ine ua aganaha.
Ia pilak songrangon internet service-rangko man•ahaode manderang internet gita lekka porani pilak bosturangkon man•gnok ineba Education Minister parakataha.
Na·simang ia video-koba nina man·gen:
Na·simang iakoba poraina man·gen: State Reservation Policy-ko nipiltaiani bidingo public hearing-ko ong·atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
