23.8 C
Tura
spot_img

AGHSSATA, Tura CM office mikkango asonge jingjengata, ja 5-ni dormahako on.china dabia

Must read

Tura,Dec 17: All Garo Hills SSA Teachers Association (AGHSSATA) ja 5-ni dormahako man.kugijaengani gimin Bristibar salo Tura-ni Chief Minister Office mikkang Dakkopgre-o asonge jingjengataniko dakangaha. Skulo skigiparangni neng.nikaniko janape a.dok sorkariko batanggimin salrango changni chang lekka sedoan baksa mol.molaniko dakachim, indiba da·alona kingking re·anggipa August jaoni December jaona skigiparangni dormahako on·kuja ine AGHSSATA-ni President aganaha.

AGHSSASTA-ni President Pa LG Momin-ni agana gitade dormaha man.gija ja 5 ong.engahani gimin skigiparang da·o dal·begipa kusini sal Krismas-ko manipana tangka paisa dongjae namen neng·nikani baksa dukni ong·enga ine aganangaha.Uni gimin SSA skigiparangni man.kugijagipa ja 5-ni dormahako December jani gisepo on.pachina AGHSSATA a.dok sorkariko mol·molangaha. AGHSSATA, President-ni agana gitade, ma.mong sorkari re.anggipa August jaon Project Approval Board (PAB)-ko Indiani dingtangdingtang a.dokrangona watataha aro gipin a.dokrango skigipani kamko ka.enggiparang gimikan PAB baksa dormahako man.engaha, indide Meghalaya a.doko SSA-ni skigiparangna maina PAB baksa dormahako on·na man.skajaenga ine Pa LG Momin sing.doaniko dakangaha.

Indake ong·genchimoba a·dok sorkari SSA skigiparngna ja 5-ni dormahako December jao chu·gimik on·china dabiangaha. Ia dabianiko knachakja ong·ode skigiparang Krismas-ni somoioba cha·gija rimggija jingjengataniko dakangkugen ine parakataha. “Da·alo chinga Garo Hills mangmangosan asonge jingjengataniko daka ong·ja, apsandake Khasi Hills-oba ja 5-ni dormahako on·china dabie jingjengataniko dakangaha” ineba Marak agandapangaha.

Una agreba AGHSSATA-ni Chief Minister Pa Conrad Sangma-na segimin memorandum-ko West Garo Hills, Deputy Commissioner-ni jak gita on·atgen ine aganaha.

spot_img

More articles

spot_img
-->

Latest article