New Delhi, June 6 : Ia bilsini Lok Sabha election-o, Prime Minister Narendra Modi aro uni party-ni joljol 3-gipa changna chegipa ong•anina a•gilsak gimikni dilgiparang una nama skaniko on•angaha. National Democratic Alliance (NDA) jekon Bharatiya Janata Party-chi chalaiengachim, uan Modi-chi dilenggipa sorkari ong•a.
Nepal, Mauritius, Bhutan aro Bangladesh noksul a•songrangni Prime Minister-rang darangna skangba, Modi-na nama skaniko on•giparang ong•achim. Prime minister-ni office-oni u•iatani gitade, Bangladesh-ni Prime Minister Sheikh Hasina aro Narendra Modi, India aro Bangladesh, Viksit Bharat 2047 aro Smart Bangladesh 2041 project-rangni dakchakanichi ma•ambiko tange rakkiangkuna ku•mikchetgrikangaha.
Singapore-ni Prime Minister Lawrence Wong, Modi-ni cheaniko itihaso bimung segatani ong•aha inenba, mikkangchi India a•song baksa melie kamko ka•na ka•dongsoenga, ineba uni Twitter ba X o see parakataha.
Una agreba, gipin a•songrang jekai, Bhutan, Nepal, Mauritius aro Maldives-ni Prime Minister-rangba Modi-na nama skaniko on•angaha. Nepalni Prime Minister, a•gilsakni dalbatgipa democracy ba manderang jakgitele an•tangtangni dilgipako seokna manani bil ba “prachanda”ko name jakkalangahanina kusi ong•chakan baksa Modini dilenggipa NDA sorkariko, 3-gipa changna joljol seokahanina nama skaniko one X-o parakataha.
India baksa melie ku•cholsan kamko ka•angkuna gisiko skaniko parake, Cyprus-ni President Nikos Christodoulides, X-o see u•iatangaha.
France a•songni President Emmanuel Macron-ba Modi-ni cheanina nama skaniko on•e, India aro France-ni gisepgriko melie kam kana skaniko parake X-o see parakangaha.
European Commission-ni President Ursula von der Leyen-ba Modi-ni chu•sokanina nama skaniko on•angaha.
Middle Eastern-ni dilgiparang jekai, United Arab Emirates-ni President Sheikh Mohammad bin Zayed Al Nahyan-ba “anga angni gisik ka•tong gimikchi angni nambegipa ripeng Narendra Modi-ko, changsatai Prime Minister-na seoktaiako man•ahanina, India a•songko dilanio chu•sokgipa ong•china ine angni nama skaniko on•atna ku•si ong•a,” ine parakataha.
Middle Eastern jolni dilgiparang, jekai United Arab Emirates-ni President Sheikh Mohammad bin Zayed Al Nahyan aro Israel-ni Prime Minister Benjamin Netanyahu maangba Modina nama skaniko on•angaha.
Western a•songrangoniba, chongmotan United States-ni President Joe Biden, German-ni Chancellor Olaf Scholz, Russia-ni President Vladimir Putin, United Kingdom-ni Prime Minister Rishi Sunak aro Netherland-ni Prime Minister Mark Rutte maangba Modi-ni chu•sokanina nama skaniko parakataha.
East Asia aro Indo-Pacific joloni dilgiparang, jekai Republic of Korea-ni President Yoon Suk Yeol, Japan a•songni chu•batgipa ku•wattimgipa Yoshimasa Hayashi, Taiwan-ni President Lai Ching-te maangba an•tangtangni nama skaniko paraktokataha.
Uan apsandake, US-o Pakistan-ni gitcham ambassador Hussain Haqqani, Italy-ni Prime Minister Georgia Meloni baksana, US-India Strategic Partnership Forum (USISPF) aro US-India Business Council (USIBC)-ni President aro CEO, Atul Keshap-ba Modi-na nama skaniko on•ataha.
Na·simang ia video-koba nina man·gen:
Na·simang iakoba poraina man·gen: Lok Sabha election-o ama man•ani a•selko UDP nipilanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
