Khanapara, July 18: A•gilsak gimiko dambebatsranggipa professor ine mingsingako man•gipa, USA-ni New York University-ni Prof. Suborno Isaac Bari, University of Science and Technology Meghalaya (USTM)-ona re•baenggipa 2024 bilsini August 14-15 tarikrango re•baenga.
Ua, USTM-ni campus-o chang 78-gipa Jakgitelani salko manianio bak ra•angpagen. Jakgitelani salko manina skang, chongmotan August jani 13 tariko ua ERD Foundation Guwahati-ni ning•o rikgipa, Assam-ni Karimganj a•jao donggipa Badarpur-ni Central Public School aro Patharkandi-ni Central Public School-ona re•angenba, school-o poraienggipa chatro chatrirangna “children and science” ia katta bichongni bidingo agan-talatanggen.
Uni re•baani somoio, Prof. Bari, science-ni gimin bang•a skie on•ani ba agananirangko dakangan baksana chatro chatrirang baksa agan-golpogrikanirangkoba dakanggen. Ia agan-golpogrikaniko dakataniara, iano bak ra•pagipa sakantini gisiko didiani aro ka•dongataniko ra•baan baksana sing•na skani gisikrangko aro gital dakani gisiko nabaatna dakchakgen. Uni re•baani ian chatro chatrirangna, lekka porani bidingo name u•i ma•sigipa manderang aro skigiparangnaba, seng•ani gnang atchikapgipa mande baksa agan-golgrikna namgipa chol ong•gen, maina ua dambe ong•engon lekka pora skie ra•anio chu•batsranggipa gadangrangko man•e chusokgipa ong•baaha.
2012 bilsini April 9-o atchigipa, Prof. Bari-ko pangnan “ia chasongni Einstein” ine aganrongachim. Prof. Bari, an•tangni aiao inmanpile seng•anirangchi a•gilsak gimikni manderangko aiao inmanatan baksana science aro education-ni a•bao namen on•gilpaanirangkoba dakangaha.
Ia tom•aniara janggi tanganio changsa ingipa gita ong•enga, maina iano channa am•sokpilgija u•ie nike ra•ani aro skie ra•anirangkoba man•anggen. USTM-ni gita Salgro Salaram jolo donggipa pilak institute-rangni chatro chatrirang, lekka porani bidingo namen u•i ma•sigipa aro faculty member-rangkoba bimung segatenba iano bak ra•epachina gita didianiko dakangaha.
Iano bak ra•na sikgiparang, USTM-ni https://www.ustm.ac.in -ona re•angenba https://forms.gle/naCH1fAs5BMo2Fc36 -o register ka•na gita man•gen.
“Chinga Prof. Suborno Isaac Bari-ko chingni campus-ona rimchaksona gita namen katchabea. Uni re•baaniara, University-ni gita a•gilsak gimikni skie ra•ani a•bao ku•mong nangrime bakrimaniko dake jatna a•gilsakni gadango donggipa skie ra•ani aro gital dake nianirangko on•a on•kange kam ka•aniko mesokan baksana ian Salgro Salaram jolo donggipa chadamberangna didianiko on•an baksana uamangni poraianirango aro am•sandie nianirango gisiko nangbatataniko ra•bana dakchakani ong•gnok,” inenba USTM-ni Chancellor, Mahbubul Hoque parakataha.
Prof. Bari-ko a•gilsak gimikon uni aiao inmanpile lekka poraiani aro science-na on•gilanirangna u•itoka. Uni bi•saoni u•iani gnang atchikapani aro a•gilsak gimiko dambebatgipa professor ong•ani bang•a manderangna didiani ong•aha. Uni rak•begipa ka•na nang•anirangko ka•na bil gnangana ba ka•na sapani uko lekka pora skie ra•ani a•bao saksa ka•saako ba mande ra•ako man•gipa ong•ataha.
Na·simang ia video-koba nina man·gen:
Na·simang iakoba poraina man·gen: Mahendraganj-ni MLA Sanjay Sangma, gital Border Land Port-ko rikna sienganina katchasoa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
