Itanagar, Jan 24: A•gilsak gimiko dal•batsranggipa hydropower project ba dam-ko China a•songni Yarlung Tsangpo-o rikna miksongengani gimin Arunachal Pradesh a•dokni Chief Minister Pema Khandu, iana an•tangni jajrengsoenganiko parakatenba, Asia-ni dingtang dingtang a•songrang gita jokpakenggipa chibimarangko ku•mong nangrime simsakna nangengani gimin janapangaha.
Sukrobar salo, ‘Environment & Security’ ine pangchakaniko donenba, Arunachal Pradesh Legislative Assembly-ni Dorjee Khandu Auditorium Hall-o seminar-ko a•bachengate on•anganio Khandu, ia kattarangko aganaha.
China a•songni Yarlung Tsangpo-ara Arunachal Pradesh a•dok gita jokbae Assam-o Brahmaputra ine mingskagipa chibima ong•a aro ia chibimao a•gilsakni dal•batsranggipa hydropower project-ko China a•songo rikanichi ian India a•songna, mongsongbate Arunachal Pradesh, Assam aro uandakgipa a•dokrangna kenchakna nangani ong•enga ine Chief Minister Pema Khandu aganaha.
Ia dam-ko rikanichi China a•song, ka•machina chini jokanganiko an•tangtangni bilo rakkina man•gen aro iako dakanichi India aro Bangladesh a•songrango chi bananirangko ong•atna man•gen ine Khandu mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: Chatro chatrirangni scholarship-ko somoi gita on•china HYC mol•mola
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
