Tura, March 26: A•chik Holistic Awakening Movement (AHAM) dol Bajengdoba Regional Unit-ni President Kollingwat Sangma, North Garo Hills a•jani Deputy Commissioner aro District Medical Health Officer-rangko grongenba Bajengdoba PHC-o doctor-rang chu•onggijaniko nirokatchina didianiko dakangaha. Bajengdoba-o ian ge•sa mangmang PHC dongpagipa ong•a, jean sak hajal 36 manderangko sanna bannaniko on•a nangenga, indake ong•engon iano doctor sakgni mangmangkosan don•atahachim indiba da•o sanna bannaniko on•a gita doctor saksasan dong•aia jeni a•selan a•jao songdong a•chaenggipa manderang namen nengnikaniko man•engachim.
Indake, PHC-o doctor-rang chu•onggijani a•sel, sagipa manderangna aro sanna bannaniko on•gipa manderangna namen neng•nikbeani ong•engaha.
Bilsi re•anggimin manderangna sanna bannaniko am•giparang batrorogenchim ong•omangba, sanna gita doctor dongjani a•selo sanna bannaniko on•anio nengnikanirang batroroenga.
Doctor-rang chu•onggijani chingni jako ong•ja maina chinga doctor-rangko donatna ba rakkina chingo bil dong•ja ine Medical Officer Hub News-ni kobor ra•timgiparangna aganangaha. Mittam doctor-rang North Garo Hills a•jani donatako man•oba uamang North Garo Hills-ni sanna bannani kamrangko ka•an baksana West Garo Hills a•jaona watatakoba man•aia. Una agreba, a•ja gimikon mongsonggipa sanna bannaniko dakgiparang baksana gynaecologist, Cardiology aro Oncology doctor-rangni komianikoba cha•grongna nangenga ineba ua agandapangkuaha.
Ia holistic dolni, dingtang dingtang dolrangko grongenba chanchirimaniko dakanichi doctor chu•onggijani a•sel neng•nikanirangko man•anina namgipa biteko man•a ka•dongsoenga.
Na·simang iakoba poraina man·gen: Agatha-ming susana Saleng biming segata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
