Shillong, Aug 25: Dingtang dingtang biaprangoniko man·onbagipa jeng-jabolrangni Umiam Lake-o skate chimongdame donggipa jabolrangko Meghalaya sorkari, Sukrobar salo Artificial Intelligence (AI)-ni bilko jakkalchapgipa robotic boat-rangchi rongtal-an·talate mesokangaha.
Ia dakmesokanganiko, Meghalaya sorkarini Smart Village Movement baksana UC Berkeley, aro Hong-Kong-oni technology-o bakrime kamko ka·enggipa SVM, Clearbot nangrime a·doko skanggipa changna robotic boat-chi chini jabolrangko rongtal-an·talate mesokangchengaha.
Ia antisana ong·atenggipa pilot demonstration-ko dakanio, AI-ni bilrangchi robotic boat-rangko jakkale Umiam Lake-oni jabolrangko rongtal-an·talate wario donggipa chini gunko aro rongtalaniko rakkiani gimin mongsongbate agan-talatanirangko on·angaha.
Chini jabolrangko rongtalataniko, Umiam Lake-ni Mawdun area-o donggipa Kyndong Rella biapo attam 3 bajimango dakmesokangaha aro technology-ni tang·dorikrikengani cholko ra·e konta 4-rangna jakkalanio kg 200 ong·pile jeng-jabolrangko chimongna man·aniko nikangna gita man·aha.
Iakoba poraie nina man·gen: CoTU, Manipur-o AFSPA-ko ra·bapiltaichina dabianga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
