Shillong, Jan 11: Salgro-salaram a·jani buring-bolgrim aro a·bri-a·kongrangko ja·achi rorame pilakni gimin skie ra·anirang baksana uarangni gimin u·i-ma·sie ra·anirangko dakna gita, India gimikni ong·atenggipa All India NER Trek -1 ba All India trekking expedition-ko Meghalaya-ni Shillong, NEHU-o Mongolbar salo a·bachengate on·angaha.
Iandakgipa ja·achi rorame pilak skie ra·anirangko dakani ba trekking expedition-ko Meghalaya a·doko ong·atenggipao, Rajasthan, Jharkhand, Orissa, West Bengal aro India-ni salgro-salaram a·dokrangni dingtang dingtang bakrangoni manderang ba cadet-rang sak 500 mangni gita bakko ra·tokenga.
Iako ong·ataniara, Meghalaya a·dokoni nitobegipa ong·telaigipa buring-bolgrim aro a·bri-a·kongrangni gimin ma·sie ra·anirangko dakan baksana, India a·songoni pilak chasong damberangna gisiko aro cholono namgipa ong·ani gimin skie on·anirangchi uamangna dakchakaniko on·na gita miksongani ong·enga.
Trekking expedition-ko a·doko a·bachengate on·ao bakko ra·engengon, NCC North-East India-ni Director General, Major Gangan Deep-ni jinmana aganprakatanio, NCC-ni miksonganiko aro ia camp-ni miksonganiko talate on·angenba, salgro-salaram jolni cadet-rangni nambatsranggipa bilgnanganiara, bakko ra·giparang pangnan bang·rongani gimin manderang aganronga aro India a·song gimikoni uamangan gisiko nangbatgipa aro bak ra·batgipa volunteer-rangba ong·a ine Major Gagan, rasongko on·e aganangaha.
