Shillong, July 15: Meghalaya Trinamool Youth Congress dolni executive tom•aniko skanggipa changna Shillongo ongataha. Ia tom•anio dolni padot Fernandesh Dkhar, a•dokni chadamberangko  Trinamool Congresso napchina didianiko on•angna a•dokni bang•a biapramgona re•e didigen ine aganaha.

“Constituencyprakon komibeoba sak 1000 chadamberangko napatna nisan donenga, a•dokni MDA sorkarini ong•gijagipa kamrangna manderang ku•rang on•chongmotna nangengjok” ine Dkhar aganaha.

A•doko bang•a chadamberangan kam gri dongtokenga, uni gisepon bang•bea sorkarini officerango kamna nangenggiparangko kolgapatna nanganirangba bang•engkua ineba Dkhara agandapaha.