Shillong, Dec 13: India aro Bangladesh a•songni gisepo so•sojengjeng ong•engani gisepo, All Meghalaya Citizen Conscious Forum (AMCCF), Bangladesh a•songo songdongenggipa adita gipin toromko olakkigipa jatrangni kosako ka•saninggija ka•enggipa kamrangko jegale, Shillong-ni Mawbah-oni Rhino Point-ona Sukrobar salo re•jomae jingjengatangaha.
Ia jingjengataniko dakenggipa dolrang Bangladesh sorkarini kosako jegalani bak gita, “Bharat Mata Ki Jai” ine segimin lekka pal•takrangko ra•e a•bokroroe re•jomaangaha.
Indake Forum-ni convenor Raju Paul, Bangladesh a•songo songdongenggipa Hindu-rang aro gipin toromko olakkigipa jatrangni kosako ka•saninggija ka•enggipa kamrangni kosako raken jegalataha aro iani bidingo janape uamangni dabiani memorandum-ko Bangladesh a•songko sason ka•enggipa sorkari, Nobel Peace Prize-ko chegipa, Muhammad Yunus-na East Khasi Hills a•jani Deputy Commissioner-ni jak gita on•ataha ine janapataha.
Indake, quota system-o kamna rakkiani bidingo chatro chatrirangni jingjengatani a•sel a•songni Prime Minister Sheikh Hasina, a•songtangko wate katangna nangao ga•akaha aro uni re•anga ja•man ia obostarang ong•na a•bachengaha. Iandake so•sojengjeng ong•enganichi, India aro Bangladesh a•songrangni gisepo meligrikgijanirang batroroskaengaha.
Ia antini gisepo, Bangladesh a•dokoni nichokkina watatgipa drone-ko Meghalaya-ni sima ari sepangniko nikna man•aha.
Na·simang ia video-koba nina man·gen:
Na·simang iakoba poraina man·gen: Mizoram-ni Skotong Minister, Lalduhoma dam 2 excise station-rangko kulie on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
