Shillong, Apr 16: Meghalaya a•dokni Lok Sabha constituency damgni, chong•motan Shillong aro Tura Lok Sabha seat-rango National People’s Party (NPP)-ni candidate sakgnian seokako man•genchimode, BJP-chi dilenggipa NDA sorkario, Kristian dilgiparangba bilakbatatako man•gen ine Mongolbar salo BJP MLA Sanbor Shullai parakataha.
Shullai-ni aganani gitade, Shillong-ni NPP candidate Ampareen Lyngdoh aro Tura-ni NPP candidate Agatha K Sangma sakgnian seokako man•genchimode, NDA sorkarini bak ong•paengani gimin Kristianrangni pal ku•rangko nambate on•na man•gen indiba gipin party-rangni seokako man•genchimode Kristianrangni gimin bilake ku•rangko on•na man•jawa.
Ia Lok Sabha election-o Meghalaya a•dokni manderang, Congress ba gipin dolni candidate-rangkosa seoke watatgenchim ong•ode bilsi bongana noksan ong•na nanggnok ineba BJP MLA aganaha.
NPP-ni vote-rangko pripraatgenchimode Congress dolnasa namgni ong•aigen indiba Congress dolni MP ong•e seokako man•taigenchimode BJP-chi dilenggipa NDA sorkario maming kamrangnan cholijawa ineba Shullai, mikrakataniko on•angaha.
Na·simang ia video-koba nina man·gen:
Na·simang iakoba poraina man·gen: A•doko songdongenggipa pilakni namgninan NPP sorkari kam ka•enga: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
