Shillong, Apr 16: Shillong Parliamentary seat-na susanasienggipa NPP-ni candidate aro Cabinet Minister, Ampareen Lyngdoh, uko Member of Parliament (MP)-na seokgenchimode, a•dokni pilak bangki kamrangko aro neng•nikanirangko jako ra•enba ma•mong sorkari baksa kamko ka•gen ine Mongolbar salo ku•rachakangaha.
Nongkrem Constituency-ni ning•o donggipa manderangko una chu•gimik chakpaaniko on•china ine mol•molengon, ua ia eleksino susana gita tarisamsoaha aro dam 36 Constituency-rangona re•ange manderangkoba grongaha, indake ua me•chiksan ong•genoba, MDA-2 sorkarini dilenganio dingtanganiko ra•bana sikgipa ong•a aro ia sorkariba, Delhi-ona re•ange a•dokni neng•nikanirangko ra•angna ka•donggipa dilgipako nangengani gimin ua ia kamrangko ka•na ka•dongenga aro ma•mong sorkari baksa pilak kamrangko ka•anio krenge kamko ka•gen inenba Lyngdoh ku•rachakangaha.
Unbaksana, MLA aro MDC eleksinni somoio an•tangtangni party-na chakpaaniko dakahaoba, ia chango uarang pilakkon donchenge, uni MP eleksino susaenganio chu•gimik chakpaaniko on•chinaba ua didiataha.
Indake, a•dokni silroro namroroaniko ra•bana uni miksonganiko janapengon, bang•a manderangan rokkomanti kattarangko uni kosako agangenchimoba, uamang dakchakaniko bi•na re•bagenchimode, a•song sorkarini on•enggipa scheme-rangko uamangna on•anio dakchakaniko on•gen ineba ua ku•rachakataha.
Una agreba, bilsi 15 mangna gipin MP-rangna cholko on•anggenchimoba maming namdapaniko aro tang•doaniko ra•bajaha, uni gimin ia changon dilgipako seokanio pilaknan namgipa chol ong•enga ineba Lyngdoh janapataha.
Na·simang ia video-koba nina man·gen:
Na·simang iakoba poraina man·gen: Ampareen aro Agatha-ko seokanichi Kristianrangko warachakna man•gen: BJP
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
