Tura, Apr 29: Sombar salo, Ampati-ni Chengkompara Songma Govt. Lower Primary (LP) School, PM-POSHAN jekon Mid Day Meal Scheme ine u•ina man•batachim, uni bak gita Nutrition (Kitchen) Garden Day-ko maniangaha.
Ia Nutrition (Kitchen) Garden Day-ko, bilsiantian April 29 tariko manirongbaenga aro iako maniani miksonganiara, PM-POSHAN ba Mid Day Meal Scheme-ko skulni bi•sarangna on•a man•a gita, an•chingni samtangtango man•rongenggipa me•su samjakrangko aro bite nanggipa sam bolrangko skulo ge•a gamaniko dakanian ong•achim.
Ia manianio, South West Garo Hills a•jani Deputy Commissioner, Hema Nayak, IAS, dongpae bak ra•angaha aro bi•sarangni an•seng baljokanina aro uamangni be•enni, gisikni gita dal•roroanina nutrition gnanggipa cha•anirangko mongsongbate, tangsekgipa me•surangko uamangna on•a nangchongmota ine talate on•angaha. Ua bak ra•enggipa chatro chatrirang baksa golpogrikanikoba dakangaha aro ge•a gamani kamrangoba gong•en bak ra•angpaaha.
Horticulture Development Officer, Apojit Koch-ba ia manianio bak ra•paenba, skulo poraienggipa bi•sarangni namnamgipa cha•anirangko cha•anio ranta ka•aniko tang•doatanio me•su samjakrangko noktangon ge•a gamaniko dakani gamchatani gimin talataniko dakangaha.
Na·simang ia video-koba nina man·gen:
Na·simang iakoba poraina man·gen: India-Bangladesh sima ari jolniko kg 42 chinirangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
