Ampati, Feb 16: Sonibar salo, Ampati Degree College-ni bilsi 25 gapaniko jatni ring•ani aro chrokanirang baksa an•sobee ong•atangaha.
Lecturer Eligious Sengbat G Momin, Isolo bi•e ia jubilee-ko a•bachengate on•angaha aro Principal, Dr. Mamunur R. M. Willy, rimchaksoani kattarangko aganangskaaha.
Tom•anio mongsonggipa sokgipa, Deputy Commissioner Hema Nayak, college-ni chu•sokaniko man•ani gimin radoe aganangaha. Una agreba, ua chatro chatrirangko mikangchi kam ka•ani bidingo ku•pattianiko ra•an baksana gama ge•ani aro ba•ra dokani bidingo nambate u•i ma•sianiko man•a gita online skie ra•ani aro social media-ko jakkalchina gita ku•pattianiko on•angaha.
College-ni Secretary, Clement G Momin, ia college-ko a•bachengatna gita neng•nikanirangko man•ani bidingo janapangaha. Iako rikna skangde, poraidapangkuna gita chatro chatrirang Tura aro Shillong-rangona re•angna gita nangachim.
South West Garo Hills-o college-ko rikna miksonganide ru•uta bilsirangna skangan a•bachengatahachim indiba tangka paisarang aro staff-rang chu•ongjani a•sel ru•utatna nangao ga•akaha. 2000 bilsini February 15 tariko, Ampati-ni nokma Nolledhy S Daring sagini dilanichi ia college-ko a•bachengataha.
Dikdiksana tarigipa biapona jitatna skangde jolni dilgipa Crening D Sangma-ni noko klas-rangko ra•chakachim. Uni jamano, Purno Agitok Sangma sagi, ia college-ko rikna gita MPLAD Scheme-oniko 5,00,000 on•an baksana monthly grant 35,000-koba on•angaha.
Adita neng•nikanirangko man•genchim ong•oba, ia college-na 8.2 acre mangni gita a•arangko man•aha. Ia college-ni mongsonggipa building-ko 2008 bilsio gitcham MP Agatha K Sangma-ni jakchi nokdonggae on•angaha. Indake, 2020 bilsio, Meghalaya sorkari college-ni gamchataniko nikenba “People’s College Grant-in-Aid Scheme”-o chapatpaaha.
Na·simang ia video-koba nina man·gen:
Na·simang iakoba poraina man·gen: Manderangna nambata sanna bannaniko Apollo Trinity Shillong on•anggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
