Guwahati, June 27: 2022 bilsio ma•mong sorkarini a•bachengatgipa Amrit Sarovars Initiative, a•dokni buringrango chi ripinganio aro matburungrangko naljokatanio chu•sokgipa ong•enga ine nikna man•enga.
Ia mandeni tarigipa chibolrangko, Assam a•dokni a•ja damantini matburangna, ding•karini somoio ringani chirangko on•a man•a gita tariaha.
Indake ong•engon, Meghalaya a•dokni sima arijolo donggipa Lakhipur forest range-ni ning•o ga•akenggipa Khumarkhali reserve forest ning•o donggipa Amrit Sarovars chibolo buringni mongmani aue an•tangko ka•sinataniko, Goalpara a•jani Forest Department-ni jachipchang ra•aoniko nikna man•aha.
Ia jachipchang ka•giminko, Department-ni gita social media-o watataha aro matburungrangko naljokatani aro chi ripingani namgnirangni gimin talataniko on•angjolaha.
Azadi Ka Amrit Mahotsav-ni bak gita, 2023 bilsio a•bachengatgipa Amrit Sarovars scheme-ni ning•o dam 75 chibolrangko a•song gimikni a•ja damantion tariaha. Assam a•dok-ba, buringo songdonggipa aro Forest Department-ko bak man•atenba ia scheme-ko an•tangtang jako ra•e ia chibolrangko nirokanio chu•sokatenga.
Ia chibolrangko tarianichi, buringo donggipa mongmarangnasan dakchakaniko on•enga ong•aigija, dingtang dingtang sambolrangna aro dingtang dingtang ma•malni matburungrangnaba dakchakaniko on•enga ine Forest Department-ni official-rang aganaha
Na·simang ia video-koba nina man·gen:
Na·simang iakoba poraina man·gen: WKH-o rama tarigipa company-ni garirangko so•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
