Dibrugarh, April 23: ‘Waris Punjab De’-ni dilgipa Amritpal Singh-ko Robibar salo, police-rang Bhatinda-oniko Dibrugarh-ona rimbae, central jail-o donataha.
Koborko on·ani gitade, Amritpal Singh-ko Robibar pringo, Punjab a·dokni Moga jolo donggipa Rhode songoniko uni police-rangna bame on·eani ja·man National Security Act (NSA)-ni ning·o rim·aha.
Rim·a man·gipa Amritpal Singh-ni kosako police-rang, Amritsar Rural aro Jalandhar Rural police district-rango komibeoba mingdok case-rangko segataha.
‘Waris Punjab De’-ni dilgipa Amritpal Singh-ni kosako police-rang, bilakbee sandianirangko a·bachengatani ja·man, ia dolni saksku membor-rangko Punjab-o rim·e Dibrugarh jail-o donengachim aro ia saksku membor-rangara, Daljeet Singh Kalsi, Papalpreet Singh, Kulwant Singh Dhaliwal, Varinder Singh Johal, Gurmeet Singh Bukkanwala, Harjit Singh, Bhagwant Singh, Basant Singh aro Gurinderpal Singh Aujla ong·achim.
Daljit Singh Kalsi-ni ma·drangrang, re·anggipa April 20 tarikosan Dibrugarh central jail-ona re·baenba uko grongeahachim.
Una skang April-ni 19 tariko, NSA-ni ning·o songako man·gipa Advisory board-ni membor sakbonga, Punjab-oni Dibrugarh-ona re·bae, central jail-o donako man·enggipa ‘Waris Punjab De’-ni saksku membor-rangko grongeskaahachim.
