Dibrugarh, May 18: ‘Waris Punjab De’-ko dilgipa Amritpal Singh-ni pagipa Tarsem Singh aro ma·gipa Balwinder Kaur, Bristibar salo Dibrugarh jail-ona re·bae, an·tangtangni degipako grongeaha.
Amritpal-ni ma·a paa baksa Advocate Rohit Sharma aro Punjab-ni gitcham MP Advocate Rajdev Singh-ba re·baaha.
Khalistan dolna chake skiprakgipa Amritpal Singh-ko re·anggipa April 23 tarikonin Dibrugarh jail-o donengachim.
Advocate Rohit Sharma-ni kobor ra·timgiparangna parakatani gitade, Amripal Singh-ni ma·a paa, skanggipa changna Dibrugarh jail-ona re·bae, detangko grongeaha.
Amritpal Singh baksana una dakchake on·gipa gipin saksku manderangkoba Punjab-o rim·e Dibrugarh jail-o donengachim aro uamangara, Daljeet Singh Kalsi, Papalpreet Singh, Kulwant Singh Dhaliwal, Varinder Singh Johal, Gurmeet Singh Bukkanwala, Harjit Singh, Bhagwant Singh, Basant Singh aro Gurinderpal Singh Aujla ong·achim.
