Gangtok, Jun 17: Sikkim a•dokni Mangan a•jao mikkarang jimbee waanganichi a•arang rurongdapenba rama jal•langrang nosto ong•atako man•ahani a•sel batanggimin antigimik Lachung jillao jachange dongna nangenggipa sak 1200 tourist-rangko Sombar sal dipet sipairang naljokgipa biaprangona rimongkatna a•bachengataha.
Official-rangni u•iatani gitade, ia biaprango jachange dongna nangenggipa tourist-rangko Sikkim official-rangni dilanichi Border Roads Organisation (BRO) aro Project Swastik-ni sipairang, rama gita Toong a•jaoniko Mangan a•jaona rimongkatna a•bachengaha aro ia koborko seatengmiting somoiona kingkingde sak 50 tourist-rangko rimongkatangna man•aha.
Ia somoiona kingkingan mikkarang wakuengoba aro re•a doanirango rama jal•langrang dongjae neng•nikanirangko chagrongna nangtokengoba ia tourist-rangko bak dakenba, sipairang naljokgipa biapona rimongkatangengaha.
Batanggimin antio mikkarang jimbee waangani ja•man Sikkim a•dokni Mangan a•jao a•arang rurongdape komibeoba sakdok manderang so•otako man•ahachim aro rama jal•langrang bang•en nosto ong•atako man•ahani a•sel sak 1200-mangni gita tourist-rang, Lachung jillao jachange dongna nangtokahachim.
Indake ong•engon, ia rama jal•langrangko ta•raken taripilna gita manderang re•rurana man•na gita ramako watpiltaina BRO-ni manderang rakbee kamrangko ka•enga ine sorkari official-rang u•iataha.
Na·simang ia video-koba nina man·gen:
Na·simang iakoba poraina man·gen: Assam-o Eid-uz-Zuga-ko mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
