Shillong, Oct 27: 2021-22 bilsini scholarship-ko antisani gisepon chatro chatrirangna watatgnok ine Bristibar salo, Meghalaya a•dokni Chief Minister Conrad K Sangma parakataha.
Maini a•sel chatro chatrirangni scholarship-ko on•ningna man•jaha da•o dipet ua tale ma•sikuja ine janapatengon, chatro chatrirangna ia bilsini scholarship-ko bakan on•gnok ine Sangma parakataha.
“Salgnimangna skangsan official-rang iani bidingo angna u•iataha aro batbewal antisani gisepon chatro chatrirangni scholarship-ko sualatna chinga ka•dongenga,” ine Chief Minister parakataha.
