Guwahati, Feb 20: India a•songko chel•chakanio namen sapbegipa dolrang, adita somoirangna sima ari sepango China a•songni daka kamrangko name nianiko dakenga.
China a•song, songrangko baridapatna jotton ka•ani bak gita Line of Actual Control (LAC) jolo dam 90 songrangko rikenba chu•gimik dam 628 songrangko ong•ataha. Uasan ong•aigija, Tibet aro Nepal gita napakgipa Korala sima ari-ko namdapatanirangkoba dakenga, jekon Tibetan refugees ba katnapgiparang re•na jakkalrongbata.
China ia gitalgipa songrangko “namroro silrorogipa songrang” inenba, sima ari-ko tang•dobatatna gita bang•bea tangka paisarangko koros ka•enga. China, 2005 bilsio India baksa songgigrikanio sima ari-ko a•kanganina pangchakaniko man•a miksonge iarangko dakenga ine u•i-ma•sigipa dolrang chanchichipenga.
India a•songba, 2023 bilsini April jao a•bachengatgipa Vibrant Villages Programme-ni ning•o sima ari jolo donggipa biaprango songrangko rikani project-rangko ka•engaha. India a•song, Arunachal Pradesh-o re•baenggipa bilsi 10-rango dam 2,963 songrangko rikna miksongenga.
China a•song, changni chang Arunachal Pradesh-ko uamangni biap ine a•kanganirangko dakan baksana uamangni sipai dolrang India-ona baitaba chang napdrabaaha. Iana agreba,Tibet-o donggipa Brahmaputra chibimako kapengna gita China, tangka gong 137 billion-ni damko rikna namnike ra•chakangaha, jeni a•selan India aro Bangladesh a•song jajrengsona nangao ga•akenga.
Na·simang ia video-koba nina man·gen:
Na·simang iakoba poraina man·gen: Tripura CM, Vande Bharat relko chalaina a•bachengani bidingo chanchirimna Union Railway Minister-ko gronga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
