Itanagar, Jan 4: China a•songni sima jolo donggipa Arunchal Pradesh a•dokni sin•begipa biapo mangraknagipa ramako Arunachal Pradesh a•dokni project VARTAK-ni ning•o donggipa Border Road Organisation (BRO), Science & Technology Ministry-ni ning•o CSIR-Central Road Research Institute (CSIR-CRRI)-ni tarigipa ‘REJUPAVE’ technology ba kolko jakkale tariaha.
Arunachal Pradesh a•dokara chubegipa biapo ong•e da•o gita sin•karini somoio namen sin•begipa biap ong•a aro uandaken da•o gita sin•karini somoirango ramarangko tarianio namen neng•nikanirangko chagrongna nangrongachim.
Iandakgipa neng•nikanirangko chel•chakna gita BRO, ‘REJUPAVE’ technology-ko jakkale, a•gilsako chubatsranggipa Arunchal Pradesh a•dokni Sela Road Tunnel aro LGG-Damteng-Yangste ramako tarina man•aha.
BRO-ni Additional Director General (East) PKH Singh-ni parakatani gitade, CSIR-CRRI-ni nirokanichi BRO, feet 14,000 ong•e chugipa Sela tunnel aro feet 18,000 ong•e chugipa LDY ramao ‘REJUPAVE’ technology-ko jakkale, mangrakgipa ramarangko tarina man•aha.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
