Itanagar, August 17: Sonibar walo, Arunachal Pradesh-ni Namsai a•jao donggipa judicial custody-oni sak 4 dos dakgipa manderang chong•motan Arjun Kanda, Gopal Munda, Robin Surin aro Mineswar Dihingia iamang joke kataha.
Ia joke katgiparangoni Mineswar Dihingia-de, NSCN (U) dolrangming bakrimgipa saksa ong•a.
Koborrangko man•soani gitade, ia dos dakgipa manderang balwa jokrurana tarigipa ventilator-ni grill ba silko pe•enba nitimgipa sipaiko saknaate kataha.
Iani bidingo case-ko segataniko dakan baksana dos dakgipa manderangko rim•na gita chelchakgipa dolrang am•sandie nianikoba a•bachengataha aro pilak outpost-rangnan iani gimin u•iatanirangkoba on•atmanaha. Uamang maikai ia ventilator-ni grill ba silko pe•na gita man•aha da•o dipet u•ina gita man•kujaenga, inenba police official saksa u•iataha.
2024 bilsini July jao, Arunachal Pradesh aro Assam police dolrang apsan nangrimenba joke katgiparang baksa dongpagipa saksako Naharlagun-o rim•na gita man•aha.
Ia katbrange dongenggipa Isahan Deori jekon Patal ineba u•itokachim, uko Assam-ni Lakhimpur a•jao Section 303(2) Indian Judicial Code-ni ning•o rim•aha.
2021 bilsini July 12 tariko, Arunachal Pradesh-ni district jail-o donggipa sak 7 manderang jean bichalni ning•o ong•kuengachim uamang nitimgipa sipairangko jal•ik, kari aro golmuris-rangko pakdapenba joke kataha.
Ia ong•a obosta, Pasighat district headquarter-ni Siang a•jani Salaram jolo donggipa pattoko ong•aha.
Na·simang ia video-koba nina man·gen:
Na·simang iakoba poraina man·gen: Sipai dolrango jakkalgipa gital kolrangni bidingo seminar-ko ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
