Guwahati, Oct 23: Arunachal Pradesh a•dokni ning•tugipa biap Wakro songo songdongenggipa manderangna uamangni nangchongmotgipa bosturangko Drone-ko jakkale salrurae on•aha.
Batanggimin somoirango, ua jolo songdongenggipa manderang, uamangni ka•sagiparangni watatenggipa chittirangko aro nangchongmotgipa lekka pancharangko ru•uta somoirangni ja•mansa man•sorongachim, indake ong•genchimoba ia chasongo drone-ko jakkale uamangni bosturangko somoi gita man•sona man•engaha.
Department of Post aro SKYE Air Private Limited baksa nangrimenba, October 21 tariko skanggipa changna drone-ko jakkale uamangni mail-ko somoi gita sokatna man•aha. Ia mail-rangko Namsai a•jani Chowkham Post Office aro Lohit a•jani Wakro Branch Post Office-ni gisepo drone-o salruraaniko nikna man•aha.
Ia drone, Chowkham-oni pringni 10:40 bajioni bilchakatangaha aro 45 km mang ong•gipa Wakro-ona pringni 11:02 bajio sokangaha aro ua biaponi pringni 11:44 bajioni bilbapile salni 12:08 bajio sokbapilaha, jean, batanggimin somoio nanggipa somoina bate komibata aro ian bostu ra•rurae nichenganio chu•sokgipa ong•aha ine nikna man•aha.
Ia ja•kuko de•engani miksonganiara, Department of Post-ni gita Wakro a•jao aro gipin a•bri jolrango dongenggipa manderangna somoi gita uamangni bosturangko sokatna ine miksongani ong•achim.
Na·simang ia video-koba nina man·gen:
Na·simang iakoba poraina man·gen: CM-ni dilanichi skanggipa changna NGH-o Cabinet tom•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
