Boko, Mar 20: Kangal cholgrirangni namgnina Assam sorkari, dingtang dingtang scheme-rangko ra•gate on•engon, Assam a•dokni Boko-Chaygaon Constituency-ni ning•o donggipa Bahjani songni Junu Boro minggipa me•chik saksa, ‘Arunodoi scheme’-ko man•jaenga ine badi ka•doangaha.
Ia Arunodoi scheme-ko Assam sorkari, 2020 bilsini October 2 tariko, Below Poverty Line (BPL) nokdangni me•chikrangna ra•gate on•ahachim aro ia scheme-ni ning•o sorkari, kangal cholgri nokdangrang, nangchongmotgipa cha•ani bosturangko bree cha•pana man•na gita japrako gong 1000 ka•e on•engachim.
Indake ong•engon, ia scheme-na Junu Boro, changgittam dorgasto galahachim indiba ua ia scheme-ni namgniko man•pajaenga ine matnangatenba, iani bidingo an•tangni segipa baksa Assam-ni Chief Minister Himanta Biswa Sarma-na badi ka•doangaha.
Ia me•chikni aganani gitade, ia scheme-ni gimin advertise ka•gipa lekkaoba uni photo-kon tapahachim indiba ua an•tangan ia scheme-ni namgniko man•skajaengachim.
Iani bidingo, Chaygaon-ni circle officer Chiranjit Das-o sing•sandiaton, da•o dipet ua an•tangde iani bidingo kobor man•soa dongkuja indiba ua Bongaon Block-ni BDO baksa agangrike, ia me•chikni nokdangna ia scheme-ko man•e on•na dakchakgen ine ku•rachakaniko on•ataha.
Na·simang ia video-koba nina man·gen:
Na·simang iakoba poraina man·gen: Mikka waanganichi Tura ramao neng•nikanirangko man•taia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
