Shillong, Nov 22: Meghalaya a•doko Accredited Social Health Activist (ASHA) worker-rangni dormahako gong 2000/-oni gong 5000/-ona bariatchina dabianiko Budbar salo Meghalaya sorkari jegalataha indiba ASHA-rangni re•a doani koros aro gipin nanganirangko on•na man•na gita Community based Health Incentive (CHI) scheme-ko ra•gate on•angskaaha.
Budbar salo, Meghalaya ASHA Workers Union (MAWU)-ni dilgiparang baksa tom•e agangrikani somoio iako a•dokni Health Minister Ampareen Lyngdoh parakataha.
Iani bidingo kobor ra•timgiparangna talate on•angengon, Mongolbar salo uamang a•dokni Chief Minister Conrad K Sangma baksa tom•e chanchirimangaha aro ASHA-rangna re•a doani koros aro dingtang dingtang nanganirangko on•na man•na gita Budbar salo ia scheme-ko ra•gataha ine Lyngdoh parakataha.
ASHA worker-rangni neng•nikanirangko namatna gita district level-o dingtangmancha committee-ko songe on•anggen ineba Health Minister parakataha.
Lyngdoh-ni aganani gitade, a•dok gimikni ASHA worker-rangko changsano nirokaniara ong•na amgijani ong•ani gimin district level-o ia committee-rangko songgen aro ia committee-rangan a•jatangtangni ASHA worker-rangko nirokanggen.
ASHA worker-rangko salo konta 6-nasan kamko ka•china didiatengon, songadam nokadamrango ANM aro mid level health worker-rangba kamko ka•engani gimin kamrangko agre ASHA worker-rangna nisijachina gita Health Minister didiataha.
ASHA worker-rang an•tangtangni man•gniko bariatchina dabie kamrangko ka•gija jingjengattokengani gimin Bristibar salonide re•bae kamrangko ka•echina gita ASHA worker-rangko Health Minister mol•molataha.
Iakoba poraie nina man·gen: UNESCAP-ni workshop-ko M’laya CM a•bachengate on•anga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
